काठमाण्डौं : पछिल्लो समयकी हिट अभिनेत्री हुन् साम्राज्ञी राज्य लक्ष्मी शाह । शाहले हालै फिल्म ‘तिम्रो मेरो साथको छायाँकन सकाएकी छन् । फिल्मको केही दिन पहिले सुटिङ सकिएको थियो ।
अहिले भने साम्राज्ञीले केही तस्बिर सामाजिक सञ्जाल मार्फत सार्वजनिक गरेकी छन् । तस्बिरलाई फ्यानले रुचाएका छन् । तस्बिर फिल्म तिम्रो मेरो साथको सेट हो । जुन तस्बिर शाहले अभिनेता पुष्प खड्कासँग स्विमिङ पुलभित्रको चिसो पानीमा खिचिएकी छन् ।
तस्बिरका साथ शाहले चिसो पानीमा छायाँकन गर्दाको अनुभव समेत उल्लेख गरेकी छिन् । फिल्मका निर्माता तथा निर्देशक रमेश एम.के पौडेल हुन् । आर्यन फिल्मस् तथा वोधी एच डी अमेरिकाको ब्यानरमा निर्माण भएको फिल्ममा साम्राज्ञी र पुष्पको अलवा सरोज खनाल, खबपु, इमिली लामा, धु्रव दत्तको पनि मुख्य भूमिका छ ।
