इटहरी : नेपाली कांग्रेसका वरिष्ठ नेता रामचन्द्र पौडेलले पार्टी सभापति शेरवहादुर देउवा प्रति आक्रोशित बनेका छन् । आइतबार बिहान नेपाल प्रेस सुनसरीको आयोजना गरेको कार्यक्रममा नेता पौडेलले प्रधानमन्त्री केपी शर्मा ओली अधिनायकवादी बन्नुमा देउवाको हात रहेको बताए ।
उनले देउवाको कारणले गर्दा प्रधानमन्त्री ओलीलाई अधिनायवादी बन्न फाइदा पुगेको बताए । देउवाले आन्दोलनमा जाँदा पैसा चाहिन्छ भनेर दिएको अभिव्यक्तिलाई लिएर उनले अन्दोलन गर्न पैसा हैन विचार चाहिने बताए ।
उनले भने यो पैसाले गर्ने हो त जुलुस, सभा सम्मेलन, आन्दोलनरु पार्टीले आह्वान गर्ने हो। कार्यकर्ता आफसेआफ जनता आफसेआफ आउँछन्। नेतृत्वमात्र गर्ने हो। पैसा कहीं चाहिन्छ। यो बेकारको कुरा हो
नेता पौडेलले प्रधामन्त्री ओलीले शनिवार विराटनगरमा बोलेका कुराहरुप्रति पनि आपत्ति जनाए। उनले ओलीलिे हिजो बोलेको अभिव्यक्ति काँग्रेसले प्रतिवाद गर्नुपर्ने बताएका छन् । उनले भने अदालतले आफ्नो पक्षमा फैसला गरेन भने आन्दोलन गर्ने घोषणा गरेका छन्। प्रतिपक्षीले स्पष्ट धारणा नराख्दा ओलीलाई यतिसम्म दुस्साहस आयो, यो घोर आपत्तिजनक छ।
