काठमाण्डौ : अष्ट्रेलियन ओपन टेनिसको महिलातर्फको उपाधि जापानी खेलाडी नाओमी ओसाकाले जितेकी छन् । मेलबर्नमा आज भएको फाइनलमा अमेरिकी खेलाडी जेनिफर ब्राडीलाई हराएर ओसाका च्याम्पियन बनेकी हुन् ।
तेस्रो वरीयताकी ओसाकाले २२ औं वरीयताकी ब्राडीलाई ६–४ र ६–३ को सेटमा हराइन् । यससँगै ओसाकाले दोस्रो पटक अष्ट्रेलियन ओपनको उपाधि जित्न सफल भएकी छन् । यसअघि ओसाकाले सन् २०१९ मा उपाधि जितेकी थिइन् ।
