काठमाडौँ : उपप्रधानमन्त्री एवं रक्षामन्त्री ईश्वर पोखरेल, गृहमन्त्री रामबहादुर थापा, स्वास्थ्यमन्त्री भानुभक्त ढकाल, प्रधानसेनापति पूर्णचन्द्र थापासहित कोभिड–१९ सङ्कट व्यवस्थापन सञ्चालन केन्द्र (सीसीएमसी)का पदाधिकारीको पिसीआर परीक्षणको नतिजा नेगेटिभ आएको छ ।
सीसीएमसीको सचिवालयका कर्मचारीमा कोरोना सङ्क्रमण देखिएपछि उनीहरुको पिसीआर परीक्षण गरिएको थियो । गत आइतबार बसेको सीसीएमसीको बैठकमा चिया र पानी उपलब्ध गराउने ती कर्मचारी संक्रमित भएपछि बैठकमा भाग लिएका सबै जना आईसोलेसनमा बसेका थिए ।
उनीहरुको शनिबार बिहान स्वाब सङ्कलन गरिएकामा साँझ परीक्षणको नतिजा नेगेटिभ आएको नेपाली सेनाका प्रवक्ता सन्तोषवल्लभ पौडेलले जानकारी दिए ।
