वीरेन्द्रनगर : प्रदेश अस्पताल सुर्खेतमा गरिएको परिक्षणमा सुर्खेतका विभिन्न स्थानका ४ जना सहित ६ जनामा कोरोना संक्रमण देखिएको छ ।
सामाजिक विकास मन्त्रालय स्वास्थ्य सेवा महाशाखाले बुधबार जारी गरेको विज्ञप्ति अनुसार सुर्खेत चौकुनेका ८ बर्षका बालक र २६ बर्षका पुरुष, गुर्भाकोटका १ जना पुरुष र वीरेन्द्रनगर वडा नम्वर ४ का १ जना महिलामा संक्रमण पुष्टि भएको हो ।
प्रदेश अस्पतालमा गरिएको परिक्षणमा भारत गोआका १ र भक्तपुरका १ जना अर्का पुरुषमा पनि कोरोना संक्रमण देखिएको छ । बुधबार नै कर्णालीबाट १२ जना कोरोना मुक्त भई डिस्चार्ज भएका छन् ।
