वीरेन्द्रनगर : शुक्रबार एकैदिन कर्णालीका ५९ जनामा कोरोना संक्रमण देखिएको छ । सामाजिक विकास मन्त्रालय कर्णाली प्रदेशको स्वास्थ्य सेवा महाशाखाले दिउसो जारी गरेको बिज्ञप्ती अनुसार जुम्लाका ५२ जनासहित ५९ जनामा संक्रमण पुष्टि भएको हो ।
कर्णाली स्वास्थ्य विज्ञान प्रतिष्ठान जुम्लामा गरिएको परिक्षणमा यति ठुलो संख्यामा कोरोना देखिएको हो । परिक्षण गरिएका जुम्लाका संक्रमित मध्य सवैभन्दा धेरै हिमा गाँउपालिकाका रहेका छन् ।
यस अघि पनि हिमा गाँउपालिकाका कर्मचारी सहित समुदाय स्तरका व्यक्तिमा कोरोना देखिएको थियो । जुम्लाको सो गाँउपालिकामा अहिले निषेधाज्ञा जारी गरिएको छ ।
शुक्रबारको तथ्यांक अनुसार दैलेख, बाँके, ताप्लेजुंग, बैतडी र बर्दियाका १/१ जनामा समेत कोरोना संक्रमण पुष्टि भएको छ । त्यस्तै, रुकुम पश्चिमका ३ र कालिकोटका २ जनामा पनि संक्रमण देखिएको छ । यो संगै कर्णालीमा सक्रिय बिरामीको संख्या २७४ रहेको छ ।
