अछाम : अछामको रामारोशन गाउपालिकाका कैलाशखोलाले बगाउँदा १७ जना बेपत्ता भएका छन् । हिजो राती परेको अबिरल बर्षातपछि आएको बाढिले वडा नम्वर ५ सैनिबजारबाट बगेर १७ जना बेपत्ता भएका हुन् । बेपत्ता १७ मध्ये ६ जनाको शव कैलासको विभिन्न स्थानमा भेटिएको छ ।
४ जनाको शव बान्नीगढी जयगढ गाउपालिका वडा नम्बर ६ दर्नामा पर्ने कोसेडा क्षेत्रमा भेटिएको स्थानिय देबेन्द्र थापाले बताए । यस्तै २ जनाको शव मंगलसेन नगरपालिका वडा नम्बर ३ मा पर्ने लमतणा र सेरीमा भेटिएको त्यही स्थलमा खटिएका स्थानिय प्रकाश कुवरले जानकारी दिए ।
जनप्रतिनीधी, प्रहरी प्रशासन, स्थानिन उद्धारकर्मिको टोलि यतिबेला सैनिबजारमा उद्धारका लागि गईसकेको रामारोशन गाउपालिकाका अध्यक्ष झँकर बहादुर साउदले बताए।
जिल्लाबाट झण्डै ७ घण्टा पैदल हिडेर लाग्ने भएकाले चाडै उद्धारका लागि पहल भईरहेको अछामका प्रमुख जिल्ला अधिकारी गोकर्ण प्रसाद उपाध्यायको भनाई छ ।
चाडै हेलिकप्टर मार्फत उद्धारका लागि केन्द्रसँग समन्वय भईरहेको प्रमुख जिल्ला अधिकारी उपाध्यायले बताए ।
