सुर्खेत : नेपाल वातावरण समाजको प्रदेश समन्वय समिति, कर्णाली प्रदेशको संयोजकमा दैलेखका खगेन्द्र रावल चयन भएका छन् । वातावरण विषय अध्ययन गरेका तथा यस क्षेत्रमा क्रियाशील जनशक्तिहरुको साझा संस्थाको रुपमा वातावरणीय विषयहरु सम्बन्धि बहस पैरवी गर्दै आएको यस संस्थाले प्रदेशस्तरसम्म नै वातावरणीय चासो तथा मुद्दाहरुमा पहुँच पुर्याउने उद्देश्यले प्रदेश समिति गठन गरेको केन्द्रिय अध्यक्ष सन्तोष काफ्लेले जानकारी दिए ।
नेपाल वातावरण समाज सांगठनिक रुपमा प्रदेश स्तरमा सुरुवात कर्णाली प्रदेशबाट गठन भएको छ l विश्व ब्यापि रुपमा पर्यावरणका क्षेमा पारेकाे नकारात्मक प्रभाव न्युनिकरण गर्नका लागि यस संस्थाले नेपाल सरकार, सरोकारवाला गैरसरकारी संस्था एवम् पर्यावरण सम्बन्धिका क्षेत्रमा कार्य गरिरहेका निजि संस्थाहरुसंग समन्वय गरि नेपालबाट नयाँ ढङ्गबाट वातावरणिय क्षेत्रमा काम गर्ने परिपाटीको विकाश गर्ने ठानिएको छ ।
कर्णाली प्रदेशका अन्य पदाधिकारीहरुमा बिमल उपाध्याय सचिव (सुर्खेत), र सदस्यहरुमा सजित कंडेल (सुर्खेत), बम बहादुर वली र निर्मल चन्द (सल्यान), विनोद शाही (हुम्ला) र सवि सेजुवाल तथा पदमबहादुर बुढा (जुम्ला) रहेका छन् ।
यसैगरि अन्य प्रदेशहरुमा भाद्र मसान्त सम्ममा सातै प्रदेश समिति गठन गरिने केन्द्रिय अध्यक्ष काफ्लेले बताए ।
