कालिकोट : कालिकोट खाँडाचक्र नगरपालिका वडा नम्वर ६ का वडाध्यक्षलाई बलात्कारको आरोपमा जेल चलान गरिएको छ । नाताले बहिनी पर्ने किशोरी बलात्कार गरेको अभियोग लागेका वडा अध्यक्ष जगदिश शाही पूर्पक्षका लागि जेल चलान भएका हुन् ।
१६ वर्षीया किशोरीलाई बलात्कार गरेको आरोपमा पक्राउ परेका ५१ वर्षीय शाहीलाई जिल्ला अदालत कालिकोटले कारागार चलान गर्ने निर्णय गरेपछि जेल चलान गरिएको प्रहरीले जनाएको छ ।
जबर्जस्ती करणी मुद्दामा प्रमाण बुझ्न समय लाग्ने भएकाले जिल्ला अदालतबाट पूर्ण फैसला नभएसम्म कारागार चलान गरिएको कालिकोट जिल्ला अदालतका श्रेस्तेदार दामोदर घिमिरेले बताए ।
बैनी नाता पर्ने किशोरीलाई वडा अध्यक्ष शाहीले पहिलो पटक २०७४ सालमा ललाईफकाई आफ्नै घरमा लगेर बलात्कार गरेको (जतिबेला किशोरी उमेर १३ वर्ष) , द्रोश्रो पटक दोस्रो पटक २०७६ साल भदौ १७ गते किशोरीकै घरमा दिउँसो कोही नभएको मौका छोपी बलात्कार गरेको अनुसन्धानमा खटिएका एक प्रहरी अधिकारीले बताए ।
वडा अध्यक्ष शाहीले ती किशोरीलाई धेरै पटक यौन दुव्र्यहार गरेको प्रहरी अनुसन्धानमा खुलेको छ । प्रहरी अनुसन्धानमा किशोरीलाई विभिन्न बहानामा धम्काएर यौनजन्य हिंसा गर्ने गरेको प्रहरीले जनाएको छ ।
पीडित किशोरी र वडा अध्यक्ष शाहीको स्वास्थ्य परीक्षणका लागि नमुना विधि विज्ञान प्रयोगशाला काठमाडौं पठाइएको छ ।
