सिराहामा एक कोरोना संक्रमितको मृत्यु

सिरहा : सिरहामा एक कोरोनाभाइरस संक्रमित युवाको मृत्यु भएको छ । २२ वर्षका युवाको बिहीबार राति धरानमा रहेको बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको हो ।

यी युवामा मिर्गौलाको समस्या रहेको र पछिल्लो समय उनले नियमित डायलाइसिस गरिरहेको बताइएको छ ।

चार दिनअघि उनी डायलाइसिस गर्न जनकपुर पुगेका थिए । त्यहाँ नै उनले कोरोनाभाइरस परीक्षण गर्न स्वाब दिएका थिए ।