एजेन्सी : भारतको कर्नाटक राज्यमा १ सय १० बर्षिया बृद्धाले कोरोनालाई हराएर निको भएकी छन् ।
पछिल्लो २४ घंण्टा सम्म भारतमा ३७ हजारको ज्यान गइसकेको अवस्थामा ११० बर्षिया बृद्धाले कोरोनालाई जित्नुले निकै सकारात्मक सन्देश दिएको छ । भारतमा अहिले सम्म १७ लाखलाई कोरोना संक्रमण देखिएको छ ।
कर्नाटक राज्यको चित्रदुर्ग भन्ने स्थामा बस्ने ती बृद्धाको नाम सिद्दम्मा हो । गत जुलाई २७ मा उनलाई कोरोना संक्रमण पुष्टि भएको थियो । आत्मबलकै कारण उनले कोरोनालाई परास्त गरेको प्रतिक्रिया दिएकीछन् ।
शनिबार साँझ उनलाई अस्पतालबाट निको भएको घोषणा सहित डिस्चार्ज गरिएको थियो । कर्नाटकमा शनिबार सम्म १ लाख २९ हजारलाई कोरोना संक्रमण भएको तथ्य सार्वजनिक गरिएको थियो ।
