सुर्खेत : बाढिपहिरोका कारण साउन १२ यता कर्णाली प्रदेशमा कालिकोटमा १ र रुकुम पश्चिममा २ जना गरि ३ जनाको मृत्यु भएको छ । कालिकोटमा ६ जना बेपत्ता छन् ।
बाढी पहिलोर रुकुम पश्चिमका २ जना र कालिकोटका २ जना गरि ४ जना घाइते भएको प्रदेश प्रहरी कार्यालय सुर्खेतका सूचना अधिकारी एसएसपी राजेन्द्र बास्तोलाले बताए ।
पहिरोले चार घर बगाएको छ । वर्षाका कारण रास्कोट नगरपालिका १ का जयबहादुर शाहीको घर बगाउँदा उनको परिवारसहित पाहुना आएका आफन्त वेपत्ता भएका हुन् ।
राति घरमा सुतिरहेको अवस्थामा पहिलोले घर बगाउँदा ५० वर्षका जयबहादुर शाही, उनका छोरीहरु संगीता शाही, कौसी शाही, ८ वर्षीय छोरा नविन शाही र भदै नाता पर्ने डम्बरबहादुर शाहीको १५ वर्षीय छोरी अस्मिता शाही वेपत्ता भएको प्रहरीले जनाएको छ ।
बाढी र पहिरोका कारण रुकुम पश्चिममा २ घर, हुम्लामा १ घर र कालिकोटमा ११ घर गरी १४ वटा घर पुर्ण रुपमा क्षती भएको बास्तोलाले बताए ।
पानी पर्ने क्रम अझै नरोकीएको र संचार सम्पर्कमा कठिनाइ भएकोले अझै यो सख्या बढ्न सक्ने बताएको छ ।
