काठमाण्डौं : नेपाली काँग्रेसका महामन्त्री पूर्णबहादुर खड्काले सरकार र सत्तारुढ दलको नेतृत्वमा हत्या, हिंसा, बलात्कार र भ्रष्टाचारका गतिविधिहरु भइरहेको बताएका छन् ।
नेपाली काँग्रेस तरुण विभागले आयोजना गरेको कार्यक्रममा महामन्त्री खडकाले सरकारको रबैया र आन्तरिक खिचातानीका कारण जनताले दुख पाएको बताए । सरकारलाई खबरदारी गर्ने कुरामा काँग्रेस कमजोर नरहेको उनको भनाई छ ।
काँग्रेसले प्रतिपक्षको भूमिका निभाउन नसकेको गुनासो रहेपनि काँग्रेसले शान्तिपूर्ण राजनीतिमार्फत सरकारलाई खबरदारी गरिरहेको उनले बताए । महामन्त्री खड्काले सरकारका गलत निर्णय र सत्तारुढ दलको रबैयाले निराशामा रहेका जनतालाई भरोसा दिन तरण दलले काम गर्नुपर्ने बताए ।
