एजेन्सी : कोरोना महामारीका बेला बलिउड अभिनेता ऋतिक रोशनले फिल्म क्षेत्रका १ सय जना डान्सरलाई उनीहरुकै खातामा रकम जम्मा गरिदिएका छन् ।
भारतको चर्चित फिल्म उद्योग समेत बन्द रहेका बेला घर पुगेका अधिकांश डान्सरलाई नायक ऋतिकले बैंक खातामा पैसा पठाइदिएका हुन् ।
बलिउडका चर्चित कोरियोग्राफर बॉस्कोले डान्सरहरु कोरोना महामारीमा आर्थिक अभाववाट पिडित भएको जानकारी गराए लगत्तै नायक ऋतिकले सहयोग गरेको खवर भारतिय सञ्चार माध्यममा भाइरल भएको छ ।
ऋतिकले गरेको सहयोग अहिले सोसल मिडियामा समेत भाइरल भएको छ । उनले सहयोग गरेका डान्सर मध्य १ जनालाई कोरोना भाइरस संक्रमण भएको र उक्त सहयोगले ती डान्सरको परिवारलाई ठुलो राहत पुगेको समेत सञ्चार माध्यममा खवर छ ।
