वीरगन्ज : वीरगञ्जको नेशनल मेडिकल कलेजमा प्रहरीले छापामारी गरी करिब १९ सय थान आरडीटी कीट बरामद गरेको छ ।
कलेजमा गरिएको आरडीटी टेस्टमा ४ जनालाई कोरोना पोजेटिभ देखिएको थियो । चारै जनालाई पछि पीसीआर टेस्ट गर्दा एकजनालाई पोजेटिभ देखिए पछि कुरा बाहिरयो । त्यही कुरालाई लिएर प्रहरीले छापामारेको हो । छापामारी स्थानीय प्रशासनले भारी मात्रामा १९ थान आरडीटी कीट बरामद गरेको छ ।
कलेजमा एक जनामा कोरोना पुष्टि भएपछि अस्पतालको आकस्मिक कक्ष र बिरामी राख्ने कतिपय वार्डहरु बन्द गरी सेनिटाइज गरिएको अस्पताल स्रोतले जानकारी दिएको छ । यसभन्दा पहिला पनि कलेजमा बाराका एक विरामीको कोरोनाको रिपोर्ट आउनु अघि नै अन्तिम संस्कारका लागि शव दिएपछि कलेज विवादमा तानिएको थियो ।
सरकारले आरडीटी टेस्टको विश्वनियतामाथि प्रश्न उठेपछि सबैको पीसीआर विधिबाटै कोरोना टेस्ट गर्ने प्रतिब्धता जनाएको थियो । तर सो विपरित मेडिकल कलेजले महँगो शुल्क लिएर आरडीटी टेस्ट गर्दै आएको पाइएको छ ।
