दैलेख : शुक्रबार सुर्खेत लगायतका विभिन्न स्थानमा ठुलै समूहमा देखा परेको सलह शनिबार दैलेखका विभिन्न स्थानमा पुगेको छ ।
दैलेखको दुल्लु नगरपालिका, नारायण नगरपालिका, भगवतीमाई गाँउपालिकालगायतका नगररगाँउपालिहरुमा सलहको झुण्ड देखा परेको हो । सलह देखापर्ने बित्तिकै किसानहरु चिन्तित भएका छन् ।
उनीहरुले आ–आफ्नो बारीमा थाल ठटाएर, ड्रम बजाएर, आगो बालेर सलह धपाउन थालेका छन् । शनिबार नारायण नगरको भुर्ति, कालिमाटी भैसेखोरलगायतको विभिन्न ठाउँमा सलह धपाइएको आवाजहरु सुनिएको स्थानीय हरि बहादुर थापाले बताए ।
दैलेखको पश्चिमबाट आएको सलहको झुण्ड पूर्वतर्फ गइरहेको जनाइएको छ ।
