कालिकोट : पहिरोले कालिकोटको पोतमारा जलविद्युत केन्द्रको क्यानलमा क्षेती पुगेपछि कालिकोटको विद्युत सेवा अवरुद्ध भएको छ । क्यानलमा ३० मिटर पहिरो गएकाले विद्युत सेवा अवरुद्ध भएको कालिकोट वितरण केन्द्रका प्रमुख मेखराज जोशीले बताए ।
जिल्ला सदरमुकामसहित रास्कोट नगरपालिका, सान्नीत्रिवेणी गाउँपालिका र खाँडाचक्र नगरपालिकाका २ हजार ६ सय ४६ घरघुरीमा विद्युत सेवा अवरुद्ध भएको छ । पहिरो अनुगमनका लागि जिल्लाबाट आजै टोली पावर हाउस तर्फ जाने केन्द्र प्रमुख जोशीको भनाई छ ।
सदरमुकाममा बत्ती नहुदाँ सरकारी कामकाजहरु प्रभावित भएका छन् ।
