सुर्खेत : युवा तथा खेलकुद मन्त्रालयले मन्त्रालय अन्तर्गतकै खेलकुद विकास महाशाखाका प्रमुख भक्तबहादुर ढकाललाई राष्ट्रिय खेलकुद परिषद् (राखेप) को कार्यवहाक सदस्य–सचिवको जिम्मेवारी दिएको छ ।
युवा तथा खेलकुद मन्त्रालयले मन्त्रालयअन्तर्गतकै खेलकुद विकास महाशाखाका प्रमुख एवं सहसचिव ढकाललाई राखेपको सदस्य–सचिवको जिम्मेवारी दिएको हो ।
नयाँ खेलकुद ऐन आएपछि सदस्य सचिव रमेश सिलवालसहितका पदाधिकारी स्वतः पदमुक्त भएका छन् । अब छनोट समितिको सिफारिसको आधारमा मन्त्रिपरिषद्ले राखेपको सदस्य सचिव नियुक्त गर्नेछ ।
सुर्खेत निवासी ५७ वर्षीय ढकाल करिब १ महिनाअघि शिक्षा, विज्ञान तथा प्रविधि मन्त्रालयबाट सरुवा भइ खेलकुद मन्त्रालयमा आएका थिए ।
