एजेन्सी : जर्मन कपको उपाधि जर्मन क्लब बायर्न म्युनिखले जितेको छ ।
शनिबार राति भएको खेलमा बायर लिभरकुसनमाथि ४–२ को जित निकाल्दै बायर्न किर्तिमानी २० औं पटक जर्मन कपको उपाधि जितेको हो ।
लिभरकुसनको मैदान ओलम्पिया स्टेडियम बर्लिनमा भएको खेलमा बायर्नको जितमा रोवर्ट लेवान्डोस्कीले दुई र डेभिड अल्वा र सर्जी जिनाब्रीले गोल गरे ।
लिभरकुसनका एसभेन वेन्डर र काई हाभर्टजले गोल गरेका थिए । बार्यनले जारी सिजनको जर्मन बुन्डेसलिगाको उपाधि पनि जितेको थियो ।
गतवर्षको समेत च्याम्पियन रहेको बायर्नले २४ पटक फाइनल खेल्दा २०औं पटक च्याम्पियन बनेको हो ।
