काठमाडौं : निरन्तर उकालो लागेको सुनको मूल्यमा बिहिबार गिरावट आएको छ । नेपाली बजारमा छापावाल सुन प्रतितोला ९१ हजारमा कारोबार भएको हो ।
यस अघि ९१ हजार ७ सयमा कारोबार भएकोमा आज तोलामा ७ सयले घटेको नेपाल सुनचाँदी व्यावसायी महासंघले जनाएको छ ।
महासंघका अनुसार आज छापावाल सुन प्रतितोला ९१ हजार रहेको छ भने तेजावी सुन प्रतितोला ९० हजार ५६५ रहेको छ ।
त्यस्तै, आज चाँदीको मूल्य पनि १० रुपियाँले घटेको छ । आज चाँदी प्रतितोला ९५० रुपियाँमा कारोबार भइरहेको महासंघले जनाएको छ।
