सुर्खेत : १ सय ५० युनिट सम्मको विद्युत महशुलमा सरकारले लकडाउन अवधिभर २५ प्रतिशत् छुट दिने भनेर निर्णय गरेपनि त्यसको कार्यान्वयन नहुँदा सर्वसाधारण मर्कामा परेका छन् ।
१५० युनिट सम्म मात्रै खपत गर्ने ग्राहकले जेठ महिनामा विद्युत प्राधिकरणबाट कुनै छुट नपाएपछि उपभोक्ताहरु मर्कामा परेका हुन् ।
प्राधिकरणले १५० युनिट सम्म मात्रै खपत गर्ने ग्राहकले पनि सवै महशुल तिर्नुपर्ने जनाएको छ । चैत र बैसाखमा त्यो छुट दिइएको भएपनि जेठमा छुट नपाएको उपभोक्ताले बताए ।
सरकारी निर्णयमैं लकडाउन अवधी भनेर चैत र बैसाख महिनाको निर्णय गरिएकाले जेठ महिनामा त्यो लागु नभएको प्राधिकरणले जनाएको छ । पुर्ण सरकारी स्वामित्वको संस्थान भएपनि प्राधिकरणले स्वायत्त भएको कारण देखाउँदै आप्mनै निर्णय लागु गरेर उपभोक्ता माथि राजश्व भार थुुपारेको उपभोक्ताहरुको गुनासो छ ।
