सुर्खेत : देशभर मनसुन भित्रिएकाले अधिकांश स्थानमा बर्षात भइरहेको पूर्वानुमान महाशाखाले जनाएको छ ।
देशभरको मौसममा सामान्य बदली रही केही स्थानमा हल्का देखि मध्यम वर्षा भईरहेको छ भने आज दिउँसो देशभर सामान्य बदली रही प्रदेश १, प्रदेश २, बागमती, गण्डकी प्रदेश, प्रदेश नं ५ र कर्णाली प्रदेशका अधिकांश स्थानहरुमा हल्का देखि मध्यम वर्षाको संभावना रहेको महाशाखाले जनाएको छ।
आज राती देशभर सामान्य बदली रही सबै प्रदेशका अधिकांश स्थानहरुमा हल्का देखि मध्यम वर्षाको संभावना रहेको छ ।
प्रदेश १, प्रदेश २, गण्डकी प्रदेश र प्रदेश नं ५ का एक, दुई स्थानहरुमा भारी वर्षाको संभावना रहेको मौसम महाशाखाले जनाएको छ।
