सुर्खेत : कोरोना संक्रमण भई रुकुम पश्चिमको चौरजहारी मिसन अस्पतालमा उपचार गराइरहेका ९ जना कोरोना जितेर आज डिस्चार्ज भएका छन् ।
२० दिन अघि कोरोना पुष्टि भई अस्पतालमा ल्याइएका सल्यानका ती पुरुषहरुलाई दोश्रो चरणको परिक्षणमा समेत नेगेटिभ देखिएपछि डिस्चार्ज गरिएको हो ।
निको हुनेमा बनगाड कुपिण्डे नगरपालिका वडा नम्वर ३ का २, वडा नम्वर ४ का ६ र वडा नम्वर ५ का १ जना पुरुष रहेका छन् । यो संगै सल्यानका कोरोना जितेर डिस्चार्ज हुनेको संख्या ६६ पुगेको छ ।
यसैविच, सल्यानका थप ४ जनामा कोरोना संक्रमण पुष्टी भएको छ । प्रदेश अस्पताल सुर्खेतमा गरिएको परिक्षणमा ४ जनामा कोरोना पुष्टि भएको हो । बनगाड कुपिण्डे नगरपालिकाका ४ जनामा कोरोना संक्रमण पुष्टी भएको हो । यो संगै जिल्लामा कोरोना संक्रमितको संख्या १ सय ७२ पुगेको छ ।
