काठमाण्डौं : प्रधानमन्त्री के.पी शर्मा ओलीले आयुवर्दे र योग असाधारण औषधि भएको तथा आहार, व्यायाम र आरामको अन्योन्याश्रित सम्बन्ध रहेको बताएका छन् ।
अन्तर्राष्ट्रिय योग दिवस मूल समारोह समितिले आइतबार बिहान गरेको भर्चुअल कार्यक्रममा राष्ट्रिय योग अभ्यासक्रम (प्रोटोकल) पुस्तिका सार्वजनिक गर्दै प्रधानमन्त्री ओलीले वर्तमान अवस्थामा योगको महत्वबारे धारणा राखेका हुन् ।
व्यायाम, प्रणायाम र ध्यानको संयोजन नै पूर्ण योग रहेको भन्दै उनले हिमवत् खण्ड अायुर्वेद र योगको उद्गम र विकास स्थल रहेको बताए ।
निरोगी नेपालको स्वास्थ्य नीति अवलम्बन गर्न र समृद्ध नेपाल, सुखी नेपालीको राष्ट्रिय अाकांक्षा हासिल गर्न सरकार क्रियाशील रहेको पनि उनले प्रष्ट पारे । प्रधानमन्त्री अोलीले राष्ट्रिय योग अभ्यासक्रम National Yoga Protocol को बालुवाटारस्थित एक्सन रूमबाट विमोचन गरे ।
योग दिवसकै सन्दर्भ जोड्दै केही दिन अघि प्रतिरोध क्षमता बढाउने सन्दर्भमा बेसार र अदुवाको महत्वबारे बोल्दा केहीले यसलाई मजाकमा उडाएको प्रधानमन्त्री ओलीले बताए ।
राष्ट्रिय सभा बैठकमा सांसद्हरुले उठाएका प्रश्नको जवाफ दिँदै प्रधानमन्त्री अोलीले बेसारको फाइदाबारे बोलेका थिए । पूर्वजको ज्ञानलाई मजाक नबनाउन प्रधानमन्त्रीले अाग्रह गर्दै प्रधानमन्त्रीले महत्व बुझेर मात्र अालोचना गर्न सुझाव दिए।
नेपालीका भान्छामा अनेक अौषधीय तत्वको प्रयोग गर्ने क्रम हजारौं वर्षदेखिको उपयोग र अनुभवमा अाधारित रहेको पनि बताउनुभयो । ‘भान्छामा के(के चिज प्रयोग हुन् ? ती किन प्रयोग गरिन्छ रु वास्तविकता बुझेर मात्र अालोचना गर्नुस्, मजाक उडाउनुस्, तर पूर्वजका खोजहरुप्रति यसरी मजाक नउडाअौ’, अोलीले भने ।
