दाङ : तुलसीपुर उपमहानगरपालिका भित्रका पसलहरु दिउँसो १२ बजे सम्म मात्रै खुल्ने भएका छन् ।
उपमहानगरपालिकाले सरोकारवाला संगको बैठकपछि दिउँसो १२ बजे पछि पसल बन्द गर्ने निर्णय गरेको हो ।
दाङमा कोरोना संक्रमणको उच्च जोखिम देखिएको समयमा अत्यावश्यक वाहेकका पसल १२ वजेपछी वन्द गर्ने निर्णय गरेको उपमहानगरले जनाएको छ ।
तर अत्यावश्यक तरकारी, दुध, औषधि, भेटनरी, कृषि, ढुवानी, बैंक, वित्तिय सेवा, बिमा लगायतका व्यवसायहरु साविककै निर्णय अनुसार संचालन हुनेछन् । तुलसीपुरमा तत्कालका लागि कोरोना पोजेटिभको संख्या न्युन भएपनि चुनौति धेरै भएकाले यस्तो निर्णय गरिएको नगरप्रमुख घनश्याम पाण्डेले बताए ।
जिल्ला विपद् व्यवस्थापन समितिले भने साँझ ५ वजेपछी पसल वन्द गर्ने निर्णय गरेको थियो जसको सामाजिक संजालमा विरोध समेत भएको थियो ।
