सुर्खेत : कर्णालीमा आज आज थप ५५ जनामा कोरोना संक्रमण पुष्टि भएको छ । कोरोना संक्रमित ५५ थपिए भएसँगै संक्रमित हुनेको संख्या कर्णाली प्रदेशमा ७६३ पुगेको हो ।
कर्णाली प्रदेश अस्पताल तथा पशुपंक्षी रोग अन्वेषण प्रयोगशाला सुर्खेतमा गरिएको आरटी पिसिआर परीक्षणमा दैलेखका ४८, सुर्खेतका ६ र काठमाडौं बुढानीलकण्ठ २ निवासी हाल चिङ्गाड गाउँपालिका ५ सुर्खेतमा बस्दै आएका एक जनामा कोरोना संक्रमण पुष्टि भएको कर्णाली प्रदेश सामाजिक विकास मन्त्रालय स्वास्थ्य सेवा महाशाखमा प्रमुख डा।लक्ष्मीनारयाण तिवारीले जानकारी दिनुभयो ।
महाशाखा प्रमुख डा. तिवारीका अनुसार दैलेख डुंगेश्वर गाउँपालिका छ महिने बच्चा, चार महिलासहित ३९, बडाभैरव, खोर, खगेना, रुम, तुम्लुङ्, तुर्सुका नौ जनामा संक्रमण पुष्टि भएको छ । त्यस्तै सुर्खेत चिङ्गाड गाउँपालिकाका छ जनामा कोरोना संक्रमण पुष्टि भएको स्वास्थ्य सेवा महाशाखाले जनाएको छ ।
