धनगढी : जागिर खोखिएको भन्दै आफ्नै शरीरमा पेट्रोल छर्केर आगो लगाएका एक कर्मचारीलाई हेलिकप्टरमार्फत कोहलपुर लगिएको छ।
अछाम बयालपाटा अस्पतालले आर्थिक संकट भएको भन्दै जागिरबाट हटाएपछि कर्मचारी सिद्धार्थ आउजीले आफ्नै शरीरमा पेट्रोल छर्केर आगो लगाएका हुन् ।
बयलपाटा अस्पतालले आर्थिक संकट परेको भन्दै साफेबगर नगरपालिका ६ का आउजी लगायत ३२ जना कर्मचारीलाई हटाएको थियो।
सिम्रीक एअरको हेलिकोप्टरमार्फत उनलाई कोहलपुर लगिएको हो । यता बयालपाटा अस्पतालले भने अस्पतालमा आर्थिक अभाव भएको भन्दै कार्यसम्पादन, अनुशासन सबै हेरेर कर्मचारी हटाएको बताएको छ। कार्यसम्पादन, अनुशासनको आधारमा कर्मचारीहरू हटाइएको अस्पतालले जनाएको छ।
यस्तै सोही हेलिकोप्टर मार्फत चौरपाटी गाउँपालिका वडा नम्वर ५ की २५ बर्षीय गर्भवती निर्मला खड्काको उद्धार गरिएको सामाजिक विकास मन्त्रालयका सूचना अधिकारी हेमराज खड्काले जानकारी दिए।
