सुर्खेत : कर्णालीमा सोमबार मात्रै ७५ जनामा कोरोना संक्रमण पुष्टि भएको छ । सामाजिक विकास मन्त्रालय स्वास्थ्य विकास महाशाखाले सोमबार बिहान जारी गरेको विज्ञप्तिमा संक्रमण पुष्टि गरिएको हो ।
महाशाखाका अनुसार अव कर्णालीमा कोरोना संक्रमितको संख्या १ सय ९८ पुगेको छ । जारी विज्ञप्तिका अनुसार दैलेखमा ८९ जना, सल्यानमा ३५ जना, सुर्खेत ३४ जना, जुम्लामा दुइ प्रहरी सहित १९ जना संक्रमित भएका छन् ।
यस्तै, कालिकोटमा १८ जना, मुगुमा एक जना, बझांग र बाजुराका एक एक जना गरि १९८ जनामा कोरोना पुष्टि भएको हो । कर्णालीमा एक जनाको कोरोनाका कारण मृत्यू भइसकेको छ भने दिनानुदिन कर्णाली कोरोनाले आक्रान्त हुदैगएको छ ।
