सुर्खेत : भारतमा मजदुगरी गर्न गएका नागरिक फर्किन थालेपछि पूर्वी सुर्खेतको सिम्ता फर्कनेको संख्या १ हजार ७ सय पुगेको छ ।
गाँउपालिकाले दिएको जानकारी अनुसार शुक्रबार सम्म ती नागरिकहरु कोरोना महामारीमा प्रदेस सरकार र गाँउपालिकाको पहलमा गाँउ फर्किएका हुन् ।
उनीहरु मध्य २ सय १ जनाको स्वाव संकलन गरी परिक्षणका लागि वीरेन्द्रनगर ल्याइएको गाँउपालिका अध्यक्ष कविन्द्रकुमार के.सी.ले बताए । बागेश्वरी मावि राकम क्वारेन्टाइनमा रहेका ६० जना, नेरा मावि वजेडा आलिमा रहेका ७० जना र भानु मावि वजेडिचौर क्वारेन्टाइनमा वसेका ७१ जनाको स्वाब संकलन गरिएको हो ।
गाउपालिका सँग ४ हजार ४ सय ८१ नागरिक भारतमा मजदुरीको लागि तथ्यांक छ । गाउपालिकामा भित्रिएका नागरिकहरुलाई राख्नको लागी ३७ विद्यालयमा क्वारेन्टाइन तयार पारिएको अध्यक्ष के.सी.ले बताए । उनका अनुसार गाँउपालिकाका नागरिकको पिसिआर परिक्षणका लागी १६ सय भिटिएम खरिद गरिएको छ ।
