सुर्खेत : लकडाउन अवधिमा सुर्खेतमा घरेलु हिंसाका घटनामा बृद्धि भएको छ । जिल्ला प्रहरी कार्यालय सुर्खेतले शनिबार सार्वजनिक गरेको तथ्यांङ्क अनुसार गत चैत ११ देखि जेठ ३ सम्मको अवधीभर सुर्खेता घरेलु र सामाजिक हिंसामा बृद्धि भएको हो ।
प्रहरी कार्यालयका अुनसार सुर्खेतमा यो अवधीमा घरेलु हिंसाका १० र सामाजिक हिंसाका १२ वटा घटना दर्ता भएका छन् । लकडाउन अवधि जारी रहँदा सार्वजनिक सुरक्षा विरुद्धको कसुरमा ८, आत्महत्याका २१, हात हतियार खरखजानामा १ वटा लगायतका मुद्दा दर्ता भएका छन् ।
जिल्ला प्रहरी कार्यालयमा ५४ र महिला बालबालिका तथा जेष्ठ नागरिक कार्यालयमा ३५ वटा मुद्दा दर्ता भएका छन् । यो अवधीमा सुर्खेतमा ३ जना महिला तथा २ जना हराएका बालबालिका फेला परेका छन् । त्यस्तै लागु औषध ब्राउन सुगरका ३ वटा र ज्यान मार्ने उद्योग सम्वन्धी ३ वटा मुद्दा दर्ता भएको जिल्ला प्रहरी कार्यालयले जनाएको छ ।
