काठमाण्डौं : कर्णाली प्रदेशको आर्थिक बृद्धिदर ३ दशमलब ५६ प्रतिशत् हुने अनुमान प्रक्षेपण गरिएको छ । केन्द्रिय तथ्यांक विभागले सार्वजनिक गरेको तथ्यांक प्रक्षेपणमा कर्णालीको आर्थिक बृद्धिदर औषतमा देखाएको हो ।
विभागको प्रक्षेपण अनुसार सवैभन्दा कम आर्थिक बृद्धिदर बाग्मती प्रदेशको १.३ प्रतिशत हुने अनुमान छ ।
आर्थिक बृद्धिदरमा सवैभन्दा बलियो सुदुरपश्चिम प्रदेश देखिने भएको छ । यहाँको आर्थिक् बृद्धिदर ४.०८ प्रतिशत रहने अनुमान छ ।
त्यस्तै, यस्तै प्रदेश १ को ३.४१ प्रतिशत, प्रदेश २ को २.२८ प्रतिशत, गण्डकी प्रदेश २.६८ प्रतिशत, प्रदेश ५ को २ प्रतिशत आर्थिक बृद्धिदर रहने अनुमान विभागले गरेको छ ।
देशको कुल गार्हस्थ उत्पादन (जिडिपी) मा भने बागमती प्रदेश बलियो देखिएको छ । देशको कुल गार्हस्थ उत्पादनमा बाग्मती प्रदेशको मात्रै ३५.८४ प्रतिशत योगदान रहेको विभागले जनाएको छ ।
बागमती प्रदेशको अर्थतन्त्रको आकार १३ खर्ब ५० अर्ब हुने सरकारी अनुमान छ । केन्द्रीय तथ्यांक विभागका अनुसार ३७ खर्ब ६७ अर्ब रुपैयाँको जिडिपीमा यो प्रदेशको हिस्सा एक तिहाई भन्दा बढी रहेको छ ।
यसैगरी कुल जिडिपिमा प्रदेश १ को हिस्सा १५.८२ प्रतिशत, प्रदेश ५ को हिस्सा १४.१८ प्रतिशत, प्रदेश २ को हिस्सा १३.७८ प्रतिशत, गण्डकी प्रदेशको हिस्सा ८.९ प्रतिशत, सुदूरपश्चिमको हिस्सा ७.२१ प्रतिशत र कर्णाली प्रदेशको हिस्सा ४.२७ प्रतिशत रहने विभागको अनुमान छ ।
