सुर्खेत : युवा कवि बासुदेव पाण्डेय ले लेखेको यो कविता समय सान्दर्भिक छ । मध्यपश्चिमाञ्चल विश्वविद्यालयका नेपाली विषयका उप प्राध्यापक समेत रहेका कवि पाण्डेयका कविता आम पाठकका निम्ती निकै मर्मस्पर्शी हुन्छन् ।
.लाचारी.
पुर्खा थिए वीर तथा विजेता
जन्मिन्न कोही किन राजनेता।
यो देशको गर्न भनी लिलामी
बन्दै गयौँ उद्यत आज हामी।।
.१.
हाँस्दै छिमेकी हतियार धस्ने
हौँ हुस्सु हामी अझ तेल घस्ने।
पाली बस्यौँ नाग विषालु डस्ने
आमा चिथोर्दा पनि मौन बस्ने।।
.२.
गाड्दै नयाँ पिल्लर सार्छ सीमा
आँखा लगायो अब लुम्बिनीमा।
चाहे कराओस् लिपुलेक सुस्ता
सुन्दैन हाम्रो अब सात पुस्ता।।
.३.
छाडी गए पूर्वज देश राम्रो
जोगाउने तागत छैन हाम्रो।
देखी भयौँ उद्यत पर्न पासो
को सुन्छ ऐले लिपुको गुनासो।।
.४.
मान्छे भुली सालिक पो सिँगा-यौँ
श्रीखण्डलाई नचिनी बिगा-यौँ।
मोती, मुगा पत्थरसाथ साट्यौँ
रोजेर उल्टो पथ हिँड्न आँट्यौँ।।
.५.
