सुर्खेत : कर्णाली प्रदेश सभाको बजेट अधिवेशन आगामी जेठ ११ गतेदेखि संचालन हुने भएको छ । प्रदेश सरकारले आर्थिक वर्ष २०७७/०७८ को नीति तथा कार्यक्रम र बजेट ल्याउन अधिवेशन सञ्चालन गर्ने निर्णय गरेको हो ।
शनिबार (आज) बसेको मन्त्रीपरिषद् बैठकले जेठ ११ गतेदेखि बजेट अधिवेशन बोलाउने निर्णय गरेको छ ।
आगामी आर्थिक वर्षको नीति तथा कार्यक्रम र बजेट निर्माणको तयारीका लागि सांसदहरुको सुझाव संकलन र बजेट अधिवेशन आह्वान गर्न प्रदेश प्रमुखलाई सरकारले सिफारिस गर्ने निर्णय गरेको सरकारका प्रवक्ता भूमि व्यवस्था, कृषि तथा सहकारी मन्त्री विमला केसी जानकारी दिइन् ।
कर्णााली प्रदेशले आगामी आर्थिक वर्ष २०७७/७८ का लागि ३५ अर्बको बजेट ल्याउने तयारी गरेको छ ।
