काठमाडौं : मेक्सिकोका चर्चित गायकको कोरोनाभाइरसका कारण मृत्यु भएको छ । मेक्सिकोका गायक ओस्कर शावेजको कोरोनाको संक्रमणबाट ८५ वर्षको उमेरमा मृत्यु भएको हो । उनी एक क्रान्तिकारी गायक हुन् ।
उनको कोरोनाको संक्रमणबाट मृत्यु भएको बारे मेक्सिकोका सांस्कृतिक सचिवले जानकारी गराएका हुन् । विश्वव्यपी रुपमा फैलिएको कोरोनाभाइरसका कारण मेक्सिकोमा हालसम्म १ हजार ८ सय ५९ जनाको मृत्यु भइसकेको छ भने संक्रमितको संख्या १९ हजार २ सय २४ पुगेको छ । त्यस्तै हालसम्म मेक्सिकोमा संक्रमित भएका ११ हजार ४ सय २३ जना उपचारपछि निको भएका छन् ।
