जनकपुरधाम : मिथिला राज्यको मागसहित जनकपुरधामको रामानन्द चोकमा शान्तिपूर्ण धर्नाका क्रममा भएको बम विष्फोट घटनाको आज ८ वर्ष पूरा भएको छ । सो विष्फोटमा परी पाँच जनाको मृत्यु भएको थियो ।
यो दिनको सम्झनाममा प्रत्येक वर्ष जनकपुरधाममा बलिदानी दिवस मनाइने गरिन्छ । तर यस पटक भने कोरोना भाइरसको संक्रमणको त्रासका बिच लगाइएको लकडाउनका कारण बलिदानी दिवस मनाउन नपाइएको मिथिलिा नाट्य कला परिषदका अध्यक्ष प्रमेश झाले जानकारी दिएका छन् ।
मिथिला बम काण्डको ७ वर्षपछि पूर्व सांसद संजय साहलाई धनुषा जिल्ला अदालतले दोषी ठहर गर्दै जन्मकैदको फैसला सुनाई सकेको छ ।
२०६९ साल वैशाख १८ गते भएको सो बम विस्फोटबाट मिथिला आन्दोलनको योद्धा एवं प्रतिभावान कलाकार रञ्जु झासहित सुरेश उपाध्याय, दीपेन्द्र दास, झगरू मण्डल र बिमल शरणले सहादत प्राप्त गरेका थिए ।
देश संचार
