काठमाण्डौं : नेपालको आर्थिक बृद्धिदर २.२७ प्रतिशतमा सिमित हुने भएको छ । केन्द्रीय तथांक विभागले यो आर्थिक वर्ष २.२७ प्रतिशतमात्रै आर्थिक वृद्धिदर हुने प्रक्षेपण गरेको हो ।
सरकारले चालु आर्थिक वर्षको वृद्धिदर ८.५ प्रतिशतको लक्ष्य राखेकोमा कोरोना संक्रमणले गर्दा ८.५ प्रतिशतको लक्ष्य घटेर २.२७ प्रतिशत रहने भएको हो । गत आर्थिक वर्ष २०७५/७६ मा नेपालको आर्थिक वृद्धिदर ६.७५ कायम रहेको थियो ।
यसैगरी, विश्व बैंकले समेत सन् २०२० मा नेपालको आर्थिक वृद्धिदर १.५ देखि २.८ प्रतिशतमा सीमित रहने प्रक्षेपण गरिसकेको छ ।
त्यस्तै, उक्त तथ्यांक अनुसार कृषि क्षेत्रको वृद्धि २.५९ प्रतिशत, उद्योगको वृद्धिदर माइनस २.२७ प्रतिशत, निर्माण क्षेत्र माइनस ०.३१ प्रतिशत र होटल रेष्टुरेन्ट क्षेत्रमा माइनस १६.३० प्रतिशतको वृद्धिदर कायम रहने छ ।
