काठमाण्डौं : राष्ट्रपति विद्यादेवी भण्डारीले शुक्रबार संवैधानिक परिषद् र राजनीतिक दलसम्बन्धी अध्यादेश खारेज गरेकी छन्।
राष्ट्रपति कार्यालयका सहप्रवक्ता केशवप्रसाद घिमिरेले विज्ञप्ति प्रकाशित गर्दै नेपालको संविधानको धारा ११४ को उपधारा २ को खण्ड ख बम्मोजिम दुवै अध्यादेश खारेज भएको जानकारी दिएका हुन्।
‘मन्त्रिपरिषदको सिफारिसमा संविधानको धारा ११४ को उपधारा २ को खण्ड ९ख० बमोजिम संवैधानिक परिषद् अध्यादेश र राजनीतिक दल सम्बन्धी अध्यादेशहरु खारेज गर्नु भएको छ,’ राष्ट्रपति कार्यालयका सहायक प्रवक्ता घिमिरेद्वारा जारी विज्ञप्तिमा भनिएको छ।
गत सोमबार मन्त्रिपरिषद् बैठकले यी दुई ऐन संशोधनका लागि अध्यादेश ल्याउने निर्णय गरेको थियो। सोही दिन भण्डारीले अध्यादेश प्रमाणिकरण गरेकी थिइन्।
