कोहलपुर : कोहलपुर नगरपालिकाले अलपत्र परेका पैदल यात्रुहरुको उद्दार गरेको छ।
कोहलपुर नगरपालिकाकी उप-प्रमुख सन्जु कुमारी चौधरीको पहलमा बाहिरी जिल्लाबाट बर्दियाको राजापुर जान लागेका ६० जना यात्रुहरुलाई उद्दार गरिएको हो।
बिहिबार राती ११ बजे काठमाडौं, नुवाकोट लगायतका जिल्लाबाट लकडाउनमै हिंडेर कोहलपुर चौराहमा आइपुगेका उनीहरु सबैलाई खाजा र पानी ब्यबस्था गरि कोहलपुर नगरपालिकाको गाडी र टयाक्टरमा राखेर बाँकेको सिमाना मानखोला सम्म पुर्याइएको उप-प्रमुख चौधरीले बताइन्।
यति दिन लगाएर कोहलपुर सम्म आइपुगेपछि उनीहरुलाई गन्तव्य सम्म पुर्याउनु उचित लागेर राजापुर नगरपालिका सग समन्वय गरि मानखोला सम्म पठाइएको चौधरीले बताइन्।
मानखोलाबाट उनीहरुलाई राजापुर नगरपालिकाको गाडीले उद्दार गरेको बताइएको छ ।
