सुर्खेत : कर्णाली प्रदेशमा ‘कोरोना टेस्टिङ बुथ’ स्थापना भएको छ। शनिबार प्रदेशको राजधानी सुर्खेतस्थित प्रदेश अस्पतालमा बुथ निर्माण गरिएको हो।
राष्ट्रिय आविष्कार केन्द्रको आर्थिक सहयोग र काइचों ग्रुप सुर्खेतको प्राविधिक सहयोगमा उक्त बुथ निर्माण भएको हो।
कोरोना टेस्टिङ बुथ डाक्टरहरूको प्रयोगका लागि निर्माण गरिएको राष्ट्रिय आविष्कार केन्द्रका सदस्य अनिल विष्टले जानकारी दिए। डाक्टरहरूले कोरोना सङ्क्रमितलाई औषधि दिँदा अन्य जानकारी लिँदा सङ्क्रमितसँग धेरै नजिकिनुपर्ने भएकोले कोरोना भाइरसबाट बच्नको लागि बुथ निर्माण गरिएको विष्टले बताए।
बुथ कोरोना सङ्क्रमितको उपचार गर्दा डाक्टरले प्रयोग गर्ने साधन हो, जसको प्रयोगले भाइरस डाक्टरलाई सर्ने सम्भावना हुँदैन।
काइचों गु्रप सुर्खेतका अध्यक्ष अमित विष्टले अब प्रदेश अस्पतालमा कोरोना सङ्क्रमित आएको खण्डमा डाक्टरले कोरोना टेस्टिङ बुथभित्रबाट काम गर्न पाइने बताए। यसो गर्दा डाक्टरमा कोरोना सर्ने सम्भावना नहुने उनले बताए।
