एजेन्सी : कोरोना भाइरसविरुद्ध लड्न विश्व बैंकले नेपाललाई २९ मिलियन डलरको सहयोग गरेको छ । फास्ट्रयाक विधिमार्फत विश्व बैंकले नेपाललाइ सहयोग गरेको हो l
विश्व बैंकले कोभिड-१९ आपतकालीन प्रतिकार्य तथा स्वास्थ्य प्रणाली तयारीसम्बन्धी परियोजनाका लागि फास्ट-ट्रयाकबाट तत्काल उक्त सहयोग गर्ने भएको हो। उक्त सहयोगसम्बन्धी सम्झौतामा आज (मङ्गलबार) नेपाल सरकार र विश्व बैंकबीच हस्ताक्षर भएको छ। अर्थ मन्त्रालयका सचिव शिशिर ढुंगाना र विश्व बैंकका नेपाल प्रमुख फारिस एच हदादजरभोसले उक्त सम्झौतापत्रमा हस्ताक्षर गरे।
यस्तै स्वास्थ्यकर्मीले लगाउने पर्सनल प्रोटेक्टिभ इक्युपमेन्ट (पीपीई) खरिद र ल्याब विस्तारमा पनि रकम खर्च हुनेछ । विश्व बैंकले विकासशील देशहरुको लागि कोरोनाविरुद्ध लड्न १४ बिलियन अमेरिकी डलको फाष्ट्रयाक सहयोग प्याकेज घोषणा समेत गरेको छ । विश्व नै लकडाउनको अवस्थामा रहेको छ l उक्त रकमले सम्पूर्ण देशहरुलाई ठुलो मात्रामा सहयोग पुग्ने छ l सम्पूर्ण देशलाई कोरोनाविरुद्ध लड्न एकजुट हुनु पर्नेमा जोड दिएको छ l
विश्व अर्थतन्त्र तहतनहस भइरहेको अवस्थामा विश्व बैंकले विभिन्न मुलुकलाई १२ बिलियन अमेरिकी डलर सहयोग (अनुदान र ऋण) गर्ने घोषणा गरेको छ। सोहीअनुसार नेपालले उक्त सहयोग पाएको हो।
अर्थसचिव ढुंगानाले विश्व बैंकबाट प्राप्त सहयोगका लागि धन्यवाद दिए। उनले कोरोना भाइरसको सङ्क्रमण नियन्त्रण गर्न तथा नेपालको स्वास्थ्य क्षेत्र सुधारका लागि उक्त सहयोग महत्त्वपूर्ण हुने बताए।
