सुर्खेत : प्रदेश सभासद देखि विभिन्न व्यक्तिहरुले दुव्र्यवहार गरेको भन्दै नेपाल पत्रकार महासंघले त्यस्ता घटनाप्रति आफनो गम्भिर ध्यानाकर्षण भएको जनाएको छ । महासंघ केन्द्रिय कार्यसमितिले मंगलबार एक विज्ञप्ति जारी गर्दै आप्mनो ध्यानाकर्षण भएको जनाएको हो ।
महासंघका महासचिव रमेश विष्टले हस्ताक्षर गरेको विज्ञप्तिमा नेपालका विभिन्न स्थानबाट यस्तो विषम परिस्थितीमा पनि जनतालाई सुसूचित गर्ने कार्यमा अहोरात्र खटिएको अवस्थामा दुव्र्यवहार गर्नु निन्दनिय भएको उल्लेख छ । महासंघले पत्रकारमाथि दुव्र्यवहार गर्नेहरुलाई तत्कालै कानूनी कारबाही गर्न सरकार समक्ष माग गरेको छ ।
महासंघले जारी गरेको विज्ञप्तिमा नागरिक दैनिकका कर्णाली प्रदेश प्रमुख नगेन्द्र उपाध्याय, अन्नपूर्ण पोष्टका कालिकोट संवाददाता विष्णप्रसाद न्यौपाने, रेडियो जागरण एफ.एम. सुर्खेतका पत्रकार नन्द कठायत लगायत देशका विभिन्न जिल्लाका सञ्चार माध्यममा कार्यरत पत्रकारमाथि सभासद, सुरक्षाकर्मी र अन्य व्यक्तिले गरेको दुव्र्यवहारको घोर भत्र्सना गर्नुका साथै कडा कारबाहीको माग गरिएको छ ।
महासंघले सोमबार विज्ञप्ति जारीगर्दै यसरी समाचार संकलनको क्रममा रहेका पत्रकार माथि भएको घटनाप्रति निन्दा र भत्सर्ना गरेको छ।
महासंघले नागरिक दैनिक कर्णालीका प्रमुख नगेन्द्र उपाध्याय र जागरण एफएम सुर्खेतमा पत्रकार नन्द कठायत माथी सोमबार भएको र्दुव्यवहारको भत्सना गरेको हो।
समाचार संकलनका क्रममा केही समय अघि माउन्टेन टेलिभिजन सुर्खेतका संवाददाता महेश रोकायमाथि पनि दुव्र्यवहार भएको थियो ।
कोरोना भाइरसको महामारीको समयमा सरकारले गरेको लकडाउनको उल्लघन जिम्मेवार निकायबाटै भएको भन्दै सोध्पुछगर्दा कर्णाली प्रदेशसभा सदस्य दानसिंह परियारले पत्रकार उपाध्यायलार्ई दुर्व्यवहार गरेका महासंघले जनाएको छ।
सभासद परियारले लकडाउनको उल्लंघन गर्दै मन्त्रालयको झण्डावाल गाडी मागेर राप्ती सोनारी अघैयामा रहेकी आप्mनी श्रीमती सुर्खेत ल्याउन लागेको विषयमा पत्रकार उपाध्यायलाई गाली गलौज गरेका थिए ।
लकडाउनको समयमा सरकारी सवारी साधनको दुरपययोग गरेको बिषमा प्रतिकृया लिन खोज्दा सदस्य परियारले अस्लिल शब्द प्रयोग गर्दै धम्क्याएका हुन् ।
यसैगरी अर्का पत्रकार कठायतलाई समाचार प्रशारणको लागी कार्यालय जादैगर्दा प्रहरीले हातपात गरेको जनाइएको छ। महासंघ सुर्खेत शाखाले सोमबार नै विज्ञप्ति जारी गरी उक्त घटनाको भत्र्सना गर्दै दोषीलाई कडा कानूनी कारबाही गर्न माग गरेको छ ।
