दक्षिण अफ्रिका : कोरोना भाइरस (कोभिड–१९) को संक्रमणका कारण विश्वप्रसिद्ध वैज्ञानिक गीता रामजीको मृत्यु भएको छ। ५० वर्षीया उनी दक्षिण अफ्रीकी चिकित्सा अनुसन्धान परिषद (एसएएमआरसी) कार्यालय, क्लीनिकल ट्रायल यूनिटकी मुख्य अन्वेषक र यूनिट डायरेक्टर थिइन्।
दक्षिण अफ्रिकामा महिलामा एचआइभी सर्न रोक्नका लागि उनले लामो अनुसन्धान गरेकी थिइन्। उक्त अनुसन्धानपछि उनी विश्वभर प्रख्यात भएकी थिइन्।
प्राध्यापक रामजी हालै बेलायतबाट घर फर्केकी थिइन् । घर फर्केपछि उनी निमोनियाको कारण क्वाजुलु–नाटाल प्रान्तस्थित अस्पतालमा भर्ना भएकी थिइन् । साथै उनले क्षयरोग (टीबी) रोकथामका लागि पनि काम गरेकी थिइन् । जसबाट उनले विश्वभर ख्याती कमाएकी थिइन् ।
