सुर्खेत : भारतका विभिन्न स्थानबाट सुर्खेत आइपुगेका १ सय २ जनालाई जिल्ला प्रहरी कार्यालयले सुर्खेत स्थित विभिन्न ठाँउका क्वारेन्टीनमा राखेको छ ।
सोमबार सम्म आएका ५७ जना र मंगलबार आएका समेत गरी ती १०२ जना नागरिकलाई क्वारेन्टीनमा राखिएको हो । जिल्ला प्रहरी कार्यालय सुर्खेतका अनुसार उनीहरुलाई खुल्ला मैदानमा क्वारेन्टीन निर्माण कार्य सम्पन्न नभएकाले जुम्ला रोडमा रहेको होटेल अशोका र वीरेन्द्रनगर १० स्थित अन्तर्र निर्भर समाज होस्टेलको भवनमा राखिएको छ ।
होटेल अशोकामा उनीहरुलाई राख्न २७ वटा कोठा भाडामा लिइएको छ । कर्णाली प्रदेश सरकारको आर्थिक सहयोगमा उनीहरुलाई क्वारेन्टीनमा राखिएको प्रहरीको भनाई छ ।
बुधबार मात्रै पुरुष ५३ र महिला ४ गरी ५७ जनालाई क्वारेन्टीनमा राखिएको छ भने यस अघि ७८ जनालाई पनि उक्त स्थानमा राखिएको बताइएको छ ।
