काठमाडौँ : कोरोना त्रास सर्बत्र पैmलिएपछि सरकारले एसईई परीक्षा पनि स्थगित गरेको छ।
नेकपा सचिवालय समितिको बैठकको आग्रह र व्यापक दबाबपछि सरकारले बुधबार साँझ यस्तो निर्णय गरेको हो।
उपप्रधानमन्त्री ईश्वर पोखरेल नेतृत्वको उच्चस्तरीय समितिले यो निर्णय गरेको हो। यसअघि सरकारले अत्यावश्यक काममा बाहेक बाहिर ननिस्कन निर्देशन जारी गरेको छ।
यस्तै, सरकारले कोरोना भाइरसको संक्रमणसँग जुध्नका लागि मानिसहरु जमघट हुने सबै स्थानहरुसहित शिक्षण संस्थाहरु बन्द गर्न निर्देशन जारी गरेको छ।
सरकारले अत्यावश्यक कामबाहेक आवतजावत र हिँडडुल नगर्न र २५ जनाभन्दा बढी मानिस भेला नहुन पनि बुधबार निर्देशन दिएको छ। त्यस्तै सार्वजनिक सवारी साधनमा सिट क्षमतामा मात्र यात्रु ओसारप्रसार गराउन पनि निर्देशन दिइएको छ।
