काठमाडौं : कोरोना भाइरसविरुद्धको तयारीबारे छलफल गर्न सातवटै प्रदेशका मुख्यमन्त्रीहरु काठमाडौंमा भेला हुँदैछन्।
संघीय स्वास्थ्य मन्त्रालयले छलफलका लागि मुख्यमन्त्रीहरुलाई बोलाएको हो। स्वास्थ्य मन्त्री भानुभक्त ढकालका अनुसार आज नै मुख्यमन्त्रीहरु काठमाडौं पुग्नेछन्।
उनीहरुसँग प्रदेशमा भएको कोरोना विरुद्धको कार्यक्रमहरुको विषयमा जानकारी लिइने छ भने भावी रणनीतिका विषयमा छलफल हुने उनले जनाए।
कतिपय प्रदेश सरकारले कोरोना विरुद्धको सर्तकता अपनाउने कार्यक्रम अगाडि बढाइसकेको छ।
