नेपालगञ्ज : बाँकेको नेपालगञ्जस्थित भेरी अस्पतालमा पहिलो पटक न्यूरो सेवा शुरु भएको छ ।
अस्पतालमा न्यूरो सर्जन हरि पौडेल आएसँगै बिरामीहरुको लागि न्यूरो सेवा समेत शुरुवात गरिएको हो । अब टाउकोमा चोट लागेका बिरामीहरुलाई उपचारका लागि काठमाण्डौं तथा भारतको लखनउ जानु पर्ने अवस्थाको अन्त्य भएको छ ।
साविकको मध्य तथा सुदुरपश्चिम विकास क्षेत्रको सबैभन्दा सुविधासम्पन्न सरकारी अस्पतालका रुपमा चिनिने भेरी अस्पतालमा अब बिरामीहरुले सहज रुपमा न्यूरोको सेवा पाउँनेछन् ।
विगत दुई महिनादेखि नै अस्पतालमा न्यूरो सेवा दिन शुरु गरिएको डाक्टर पौडेलले जानकारी दिए । उनले यो अवधिमा ४र५ जना बिरामीको जटिल खालको शल्यक्रिया सफलतापूर्वक गरिएको बताए ।
यो अवधिमा ४०र५० जना न्यूरोका बिरामीले सेवा लिएका छन् । चितवन पश्चिम सरकारी अस्पतालमा न्यूरो सर्जन सेवा भएको भेरी अस्पताल मात्र हो । ‘न्यूरो उपचार यसै पनि महगो छ, तर निजी अस्पतालमा भन्दा भेरी अस्पतालमा धेरै सस्तोमा उपचार हुन्छ’ डाक्टर पौडेलले भने ।
अस्पतालमा रहेको जनशक्ति उपकरणले काठमाण्डौं र लखनउ बराबरको न्यूरो सेवा दिनसक्ने उनले बताए ।
‘न्यूरो सेवाबारे धेरैलाई जानकारी नहुँदा विरामीहरुले अनावश्यक दुःख पाउने गरेको र महंगोमा पर्ने गरेको पाइएको छ’ डाक्टर पौडेलले भने । भेरी अस्पतालमा न्यूरो सेवा शुरु नहुँदा यहाँका बिरामीहरु निजी तथा काठमाण्डौ र भारतका विभिन्न अस्पताल उपचार गर्न जाने गरेका थिए ।
साविकको मध्य तथा सुदुरपश्चिमको रिफरल सेन्टरको रुपमा रहेको भेरी अस्पतालमा न्यूरो सेवा शुरु भएपछि बिरामीहरुले न्यून शुल्कमा सेवा पाउने विश्वास लिइएको छ ।
