एजेन्सी : फ्रान्सेली क्लब पेरिस सेन्ट जर्मेन (पीएसजी) सबैभन्दा धेरै पटक च्याम्पियन्स लिगको क्वार्टरफाइनल पुग्ने लिग वानको टोली बनेको छ ।
गए राति जर्मन क्लब बोरुसिया डर्टमुण्डलाई हराउँदै पीएसजी लिग वान क्लबमध्ये सबैभन्दा धेरैपटक च्याम्पियन्स लिगको क्वार्टरफाइनल पुग्ने टोली बनेको हो ।
बुधबार राति भएको अन्तिम १६ को दोस्रो लेगअन्तर्गत डर्टमुण्डलाई २–० गोलले हराउँदै पीएसजीले अन्तिम आठमा स्थान बनाएको हो ।
पीएसजीको मैदानमा भएको खेलमा जित निकालेसँगै समग्रमा ३–२ गोलको नतिजासहित पीएसजीले क्वार्टरफाइनलमा स्थान बनाएको हो ।
यसअघि डर्टमुण्डको मैदानमा भएको अन्तिम १६ को पहिलो लेगमा पीएसजीले २–१ गोलको हार ब्यहोरेको थियो ।
तर, पीएसजीको मैदानमा भएको खेलमा जित निकाल्दै ऊ सबैभन्दा धेरै पटक क्वार्टरफाइन पुग्ने लिग वान क्लब बन्यो ।
पीएसजी हालसम्म छ पटक क्वार्टरफाइनलमा पुगेको छ । यो संख्या फ्रेन्च लिग खेल्ने अन्य क्लबभन्दा धेरै हो ।
यता, पीएसजी सन् २०१५ यता पहिलो पटक च्याम्पियन्सको अन्तिम आठमा पुगेको छ ।
२०१५ मा ऊ चेल्सीलाई पराजित गर्दै अन्तिम १६ मा स्थान बनाएको थियो ।
चेल्सीलाई अवे गोलका आधारमा हराएको उसले प्रि–क्वार्टरफाइनलमा स्थान बनाएको थियो ।
त्यसपछि सेमिफाइनलका लागि खेल्ने क्रममा बार्सिलोनासँग २(० गोलले पराजित पीएसजी त्यसयता अन्तिम आठमा स्थान बनाउन असफल थियो ।
त्यतिबेला नेयमारले पीएसजीलाई हराउन दुई गोल गरेका थिए ।
तर, डर्टमुण्डलाई हराएसँगै ऊ ५ वर्षयता पहिलोपटक अन्तिम आठमा स्थान बनाउन सफल भयो ।
