एजेन्सी : पोर्चुगिज स्टार खेलाडी क्रिस्टियानो रोनाल्डो सामाजिक सञ्जालमा ‘किङ’ मानिन्छन् । ट्वीटर, फेबसुक र इन्स्टाग्राममा सक्रिय उनले यसैमार्फत् राम्रो आयआर्जन पनि गर्छन् । रोनाल्डो इन्स्टाग्राम र ट्वीटरमा सर्वाधिक फलो गरिएका व्यक्ति हुन् ।
यस्तै अब भने ३५ वर्षीय रोनाल्डोका छोराको सामाजिक सञ्जालमा आगमन भएको छ । रोनाल्डोको छोरा क्रिस्टियानो रोनाल्डो जुनियरले पनि इन्स्टाग्राममा अकाउन्ट बनाएका छन् ।
अघिल्लो दिन मात्र इन्स्टाग्राममा आएका उनलाई झण्डै १० लाख प्रयोगकर्ताले फलो गरेका छन् । रोनाल्डोजस्तै सानैदेखि फुटबलमा लागेका छन् उनलाई २४ घण्टाभित्र झण्डै १० लाख जनाले पछ्याएका छन् । यो समाचार तयार पार्दासम्म रोनाल्डोका छोरालाई ९ लाख ८३ हजारले पछ्याएका छन् । उनले जम्मा पाँच जनालाई मात्र फलो गरेका छन् ।
यस्तै उनले आफ्नो अकाउन्टमा सुरुआती एउटा भिडियो र दुई वटा फोटो अपलोड गरेका छन् । सुरुआतमा हालेको भिडियामा उनले आफ्नो परिचय दिएका छन् । यस्तै उनले आफ्ना परिवारसँगको फोटो हालेका छन् ।
