काठमाण्डौं : निकै प्रयासका बावजुत सभामुख नबनाइएकी निवर्तमान उपसभामुख शिवमाया तुम्वाहाङ्फेलाई कानुन न्याय तथा संसदीय मामिलामन्त्री बनाइने भएको छ ।
यौनकाण्डमा मुछिएर गत असोजमा कृष्णबहादुर महराले सभामुखबाट राजीनामा दिएपछि उनले सभामुखमा दाबी गरेकी थिइन्। तर, नेकपा सचिवालयले अग्नि सापकोटालाई सभामुख बनाउने निर्णय गर्दै उनको राजीनामा मागेको थियो।
सभामुखमा सापकोटा निर्वाचित भए भने उपसभामुख पद अहिले पनि खाली छ। सभामुख र उपसभामुख फरक फरक पार्टीबाट हुनुपर्ने संवैधानिक व्यवस्थाका कारण तुम्वाहाङ्फेले राजीनामा दिनुपरेको थियो।
तुम्वाहाङ्फेलाई आजै ३ बजे कानुनमन्त्रीको रुपमा शपथ ग्रहण गराउने तयारी गरिएको स्रोतले जानकारी दियो ।
