कन्चनपुर : टिप्परले ठक्करबाट बुधबार युवतीको मृत्यु भएपछि आन्दोलनमा उत्रिएका स्थानियको ढुगा लागेर ६ प्रहरी घाईते भएका छन ।
महेन्द्रनगरको चम्मनचोकमा से १ क ८८७ नम्बरको टिप्परको ठक्करबाट भीमदत्त नगरपालिका–१६ गोबरिया बस्ने रमिता भट्टको मृत्यु भएपछि स्थानीयले प्रदर्शन गर्दा भएको झडपमा ६ प्रहरी घाईते भएका हुन ।
घाईते हुनेमा प्रहरी जवान भगवती भट्ट, गणेश बोहरा, लोचन बहादुर चन्द र सन्तोषी जोशी लगायतका ६ जना रहेका छन । घाईते सबैको महाकाली अस्पतालमा उपचार भईरहेको जिल्ला प्रहरी कार्यालय कन्चनपुरले जनाएको छ ।
टिप्पर चालक कञ्चनपुरको बेतकोट नगरपालिकाका जयराज पनेरुलाई प्रहरीले पक्राउ गरेको छ । मृतक भट्ट माघ १३ गते हुने आफ्नौ बिहेको कार्ड बाड्न साईकलमा जाने क्रममा टिप्परले ठक्कर दिएको थियो ।
